05. Dezember 2017

Nikolo

Um di Liachtzeit woar dos heut im Dorf a Gschraa!

Is da Bartl umgangg und da Bischof a;

Hot koa Kind si mehr in d´ Finsta außitraut,

hant in Stüberl drin zan betn gschaut.

Schwoarz und zottat wiar a recht a wilda Bär

toppt da Bartl in da Gossn zerscht daher

rafflt mit die Kettn, pumpert an die Tür,

springg ins Haus und zoagt a lanki Ruatn für.

Hätt ´n Webersimmerl bold in d´Kraxn gspirrt

und ´n Micherl is a kloans Malör passiert!

Wann i´s gwisst net hätt, es muass da Bartl sein,

hätt i gschworn, da Forstadjunkt steckt drein.

Auf und auf vull Silba, inra lankn Pfoad

old und mit an schneewerlweißn Boart

is da Bischof gwain mit sein krumpn Stob;

und wos i danebm no so gsegn hob,

mit an feinen Naserl und zwa blaue Augn,

wia si sist na für a junges Dirndl taugn.

Hot die Kinder ausgfrogg, toalt an Lebzelt aus,

wia holt sist akratt da haligi Nikolaus.

Und obwul i sist recht christngläubi bin: I

hätt gmoant, es is die jungi Lehrerin.

Wia s´vom letztn Keuscherl wieder hoamzuagehn,

hebb´s zan schneibm an, so dick und wunnaschön!

Und da Bartl legt sei schwoarzi Schouffellhüll

Übern silban Bischof seini Axeln still;

Holba neini schlogt von Turm die Kirchenuhr

Und das Dörfl liegt in Fried und Ruah.

Intan Schulhaus, ´s olti Muattagotteskreuz

mit sein Schindeldacherl woar vaschniebm bereits,

a Laterndl brinnt davor no hell und woarm,

und die Himmelmuata hobt ihr Kind in Oarm

wia zur Maiandocht

und inta d´ Lindn just

hot da Bischof still ´n Bartl busst!

© Hans Klöpfer (1867 – 1944)

Germteigkrampusse:

1 kg Mehl
40 g Germ
100 g Butter
100 g Zucker
Ca. 0,3l Milch
Vanille, Rum, Zitronenschale

Ei zum Bestreichen
Rosinen zum Dekorieren

Aus den oben angeführten Zutaten eine Germteig bereiten, rasten lassen. Dann ca. 15 Kugeln schleifen, nochmal kurz rasten lassen und dann zu kleinen Krampussen ausformen.

Ca. 15 min Gehen lassen, mit Ei bestreichen und dekorieren. Bei 170 Grad hellbraun backen!

Werden bei uns am 5. Dezember – dem „Krampustag“ – gebacken und verschenkt!